மானிய விலையில் வழங்கப்படும் கால்நடைகளுக்கான உலர் தீவனத்தை அதிகரிக்குமாறு, கரூர் மாவட்ட விவசாயிகள் கோரிக்கை விடுத்துள்ளனர்.
கரூர் மாவட்டத்தில் அரவக்குறிச்சி உள்ளிட்ட 3 இடங்களில், கால்நடைகளுக்கான உலர்தீவன கிடங்குகள் அமைக்கப்பட்டுள்ளன. இதன்மூலம், மானியவிலையில், கால்நடைகளுக்கான உலர் தீவனம் வழங்கப்பட்டு வருகிறது. ஒரு மாட்டுக்கு நாளொன்றுக்கு 3 கிலோ வீதம், அதிகபட்சமாக 5 மாடுகளுக்கு 15 கிலோ உலர் தீவனம் வழங்கப்படுகிறது.
இந்த அளவு போதுமானதாக இல்லை என கூறும் விவசாயிகள், இதனை அதிகரிக்க வேண்டும் எனவும் வலியுறுத்தியுள்ளனர். இதுகுறித்து கால்நடை பராமரிப்புத்துறை அதிகாரிகளிடம் கேட்டபோது, அரசு வழிகாட்டுதலின்படியே, கால்நடை தீவனம் வழங்கப்படுவதாக தெரிவித்தனர்.
கருத்துகள் இல்லை:
கருத்துரையிடுக