அதிக லாபம் தரும் ஆடு வளர்ப்புத் தொழில்

தென்னை போன்ற தோட்டங்கள் வைத்திருப்பவர்களுக்கு ஆடு வளர்ப்பு தொழில் அதிகஅளவில் லாபம் தருகிறது. தென் ஆப்ரிக்காவைச் சேர்ந்த போயர் ரக ஆடுகளுடன், கேரள மாநிலம் தலச்சேரி ஆடுகளை கலப்பினம் செய்து இனவிருத்திக்காக விற்பனை செய்து பலர் லாபம் ஈட்டி வருகின்றனர்.

 
இந்த வகை ஆட்டுகளுக்கு தேவையான பசுந்தீவனம் வளர்க்க சுமார் 4 ஏக்கர் நிலம் இருக்க வேண்டும். தென்னந்தோப்பு இருந்தால் ஊடு பயிராக வளர்க்கலாம்.

 
மொத்தம் 100 ஆடுகள் வளர்ப்பதாக இருந்தால் மலபார் தலச்சேரி ஆடுகள் 95ம், தென் ஆப்ரிக்காவின் போயர் ஆண் ஆடுகள் 5ம் தேவை. ஆடுகள் வாங்க சுமார் 6 லட்சம் ரூபாய் தேவையாக இருக்கும். சிறந்த முறையில் ஆட்டுப் பண்ணை அமைக்க 5 லட்சம் ரூபாய் முதலீடு செய்ய வேண்டும். இது தவிர ஆடுகளுக்கு தீவனச்செலவு மற்றும் பராமரிப்புச் செலவு ஆண்டுக்கு 4 லட்சம் ரூபாய் வரை ஆகும்.

ஒரு ஆடு ஆண்டுக்கு 4 குட்டிகள் ஈனுகின்றன. குட்டிகள் வளர்ந்து ஆடுகளாகும் நிலையில் ஒன்றின் விலை 25 ஆயிரம் ரூபாய் வரை விற்பனை செய்யலாம். ஆட்டுக் கழிவு ஆண்டுக்கு 60 டன் கிடைக்கும். கழிவுகளை 2 லட்சம் ரூபாய் வரை விற்பனை செய்ய முடியும். இந்த வகை ஆடுகள் இறைச்சிக்காக வளர்க்கப்பட வில்லை.

மாறாக பண்ணைகள் மற்றும் ஆடுகள் வளர்ப்பவர்களுக்கு தேவையான முதல் ரக ஆடுகளை இன விருத்தி செய்து உற்பத்தி செய்யப்படுகிறது. இந்த ரக ஆடுகள் உயிருடன் கிலோ ஆயிரம் ரூபாய் வரை விற்பனை செய்ய முடியும் என இந்த தொழிலில் ஈடுபட்டு லாபம் ஈட்டி வரும் விவசாயிகள் தெரிவிக்கின்றனர்.

உணவு தயாரிப்பு குறித்த பயிற்சி முகாம்

உணவு தயாரிப்பு குறித்த பயிற்சி முகாம்

தூத்துக்குடியில் மீன் உணவுகள் தயாரித்தல் குறித்த பயிற்சி முகாம் மற்றும் செயல்விளக்கம் ஜனவரி 8-ம் தேதி நடைபெறுகிறது. இதுகுறித்து மீன்வளக் கல்லூரி முதல்வர் சுகுமார் வெளியிட்ட செய்திக் குறிப்பு: தமிழ்நாடு மீன்வளப் பல்கலைக்கழகத்தின் ஒரு அங்கமான தூத்துக்குடி மீன்வளக் கல்லுரி மற்றும் ஆராய்ச்சி நிலையத்தில் வளர்ப்பு மீன்களின் உணவு மற்றும் மேலாண்மை பற்றிய பயிற்சி முகாம் ஜனவரி 8-ம் தேதி நடைபெறுகிறது.

தேசிய வேளாண்மை அபிவிருத்தி திட்டத்தின் கீழ் இயங்கும் மீன் உணவு தரக்கண்காணிப்பு ஆய்வகம் அமைத்தல் என்ற ஆராய்ச்சி திட்டத்தின் கீழ் இந்த பயிற்சி முகாம் நடைபெற உள்ளது. இந்த பயிற்ச்சியில் மீன்களுக்கான செயற்கை உணவு தயாரிப்பது மற்றும் உணவு மேலாண்மை பற்றிய விளக்கவுரைகளும், செயல் முறை விளக்கமும் அளிக்க திட்டமிடப்பட்டுள்ளது.

பயிற்சி முகாமில் கெண்டை மீன் வளர்ப்போர், அலங்கார மீன் வளர்ப்போர், இறால் வளர்ப்போர் மற்றும் மீன்களுக்கான உணவு தயாரிப்பில் விருப்பமுள்ளவர்கள் அனைவரும் கலந்து கொள்ளலாம்.

 பயிற்சி முகாமில் கலந்து கொள்ள விருப்பம் உள்ளவர்கள் ஜனவரி 31-ம் தேதிக்குள் 9443002467 என்ற செல்போன் எண்ணில் தொடர்பு கொண்டுத ங்கள் பெயரை பதிவு செய்து கொள்ளுமாறு கேட்டுக் கொள்ளப்படுகிறார்கள் என செய்திக்குறிப்பில் தெரிவிக்கப்பட்டுள்ளது.

கூடுதல் விவரங்கள் அறிய

பன்ணை சார்ந்த மீன் உணவு தயாரிப்பு குறித்த விவரங்களை அறிய “பேராசிரியர் மற்றும் தலைவர், கடல் சார் நீர்வாழ் உயிரின வளர்ப்புத்துறை, மீன்வளக் கல்லூரி மற்றும் ஆராய்ச்சி நிலையம், தருவைக்குளம், தூத்துக்குடி என்ற முகவரியிலும், 0461–2910336, 2340554, 94422 88850 ஆகிய தொலைபேசி எண்களிலும் தொடர்பு கொண்டு விவரங்களை அறியலாம் என்று பயிற்சி மைய தலைவர் சா.ஆதித்தன் தெரிவித்தார்.